Á sumarvef Kópavogs má finna margvísleg og fjölbreytt sumarnámskeið fyrir börn á aldrinum 6 til 16 ára. Tengill á sumarvefinn er hér.

Við enda skólalóðarinnar verða skólagarðar í sumar. Hér eru nánari upplýsingar um skólagarðana.

Mánudaginn 14. maí fór 2. bekkur í heimsókn á Alþingi. Nemendur fengu leiðsögn um Alþingishúsið og fræðslu um Alþingi, sáu m.a. málverk af þjóðfundinum 1851,  fóru upp á þingpallana og sáu margt fleira merkilegt. Nemendur skoðuðu styttuna af Jóni Sigurðssyni og Alþingisgarðinn. Eftir heimsóknina var komið við í Ráðhúsi Reykjavíkur og endað í Hljómskálagarðinum þar sem börnin skemmtu sér vel. Þetta var ánægjuleg og fróðleg ferð og allir stóðu sig vel.

Aðalfundur foreldrafélagsins er í kvöld mánudaginn 7. maí kl. 20:00 í sal skólans. Dagskrá fundarins eru venjuleg aðalfundarstörf. Kosið verður í stjórn foreldrafélagsins og tekin ákvörðun um félagsgjöld fyrir komandi skólaár.

Allir foreldrar barna í Hörðuvallaskóla eiga rétt á setu á aðalfundi og því skorar stjórn foreldrafélagsins á alla foreldra að mæta í kvöld.

Boðið verður upp á léttar veitingar.