Hörðuvallaskóli

Föstudaginn 30. apríl verður skólahúsnæði Hörðuvallaskóla formlega tekið í notkun með dagskrá kl. 10:00. Þar munu bæjarstjóri, formaður bæjarráðs og formaður skólanefndar flytja stutt ávörp og kór skólans frumflytja skólasönginn. Lag eftir Áslaugu Helgu Hálfdánardóttur og texti eftir Rögnu Berg Gunnarsdóttur. Að dagskrá lokinni verður boðið upp á kaffi og köku og gestum boðið að skoða skólahúsið.

Þennan dag munu nemendur vinna verkefni sem varðveitt verða um ókomna tíð í bókarformi sem geymd verður á safni skólans.