Námsgögn

Hörðuvallaskóli útvegar nemendum námsbækur og önnur námsgögn, svo sem ritföng og stílabækur. Það á einnig við um námsgögn í valgreinum.

Námsbækur og lánsgögn

Nemendur fá það námsefni sem þeir þurfa hverju sinni. Í kennslu eru nýttar prentaðar bækur, rafbækur og annað rafrænt námsefni. Skólinn leggur áherslu á endurnýtingu bóka til að draga úr sóun og því fá nemendur ekki alltaf nýjar bækur.

Flestar námsbækur eru lánsbækur í eigu skólans. Nemendur eru beðnir um að fara vel með þær og skila þeim í góðu ástandi þegar notkun þeirra lýkur. Skil geta verið í lok annar eða við lok skólaárs. Kennarar veita nánari upplýsingar um skil og hvaða bækur má skrifa í. Ef lánsbók týnist eða skemmist skal láta kennara vita svo hægt sé að finna lausn.

Rafrænt námsefni

Nemendur og foreldrar geta nálgast rafbækur, hljóðefni og annað námsefni á vef Miðstöðvar menntunar og skólaþjónustu (MMS).

Nemendur hafa einnig aðgang að rafrænu námsbókasafni á Google Drive í spjaldtölvum sínum.

Spjaldtölvur og tölvubúnaður

Nemendur í 5.–7. bekk fá spjaldtölvur til afnota í námi sínu.

Upplýsingar um notkun, umhirðu og skil búnaðar má finna á spjaldtölvusíðu Hörðuvallaskóla. Leiðbeiningar fyrir nemendur og foreldra eru einnig á vefnum Stafræn hæfni í grunnskólum Kópavogs.

Aðstoð og aðgengi

Ef námsgögn vantar eða aðgangur að rafrænu námsefni virkar ekki geta nemendur og foreldrar haft samband við kennara.

Ef nemandi þarf námsefni á öðru formi, svo sem hljóðbækur eða aðlagað námsefni, er hægt að hafa samband við kennara til að ræða þarfir hans og viðeigandi stuðning.

Þessi síða var uppfærð í október 2026