Námsráðgjöf

Námsráðgjafi stendur vörð um félagslega og andlega velferð nemenda, gætir réttarstöðu þeirra og veitir ráð um nám og styður þá í persónulegum málum. Hann er talsmaður og trúnaðarmaður nemenda. Helstu hlutverk námsráðgjafa eru:

• Að veita fræðslu um nám, störf og atvinnulífið
• Að leiðbeina nemendum með vinnubrögð í námi
• Að veita nemendum stuðning og ráðgjöf vegna erfiðleika og áfalla
• Að aðstoða kvíðna nemendur og nemendur með hegðunar- og tilfinningavanda
• Að aðstoða og styðja við nemendur sem eru í skólaforðun
• Að auka félagsþroska, félagsfærni og samskiptahæfni nemenda
• Að auka sjálfsstyrkingu nemenda, efla seiglu og hjálpa þeim að gera sér grein fyrir eigin getu

Auk þess veitir hann einstaklingum og hópum ráðgjöf, sinnir forvarnarstarfi, jafnréttisfræðslu og heldur utan um eineltismál í skólanum ásamt ástundun nemenda. Námsráðgjafi er í mikilli samvinnu við kennara og annað starfsfólk skólans til að geta stutt sem best við nemendur.

Karen Kjartansdóttir er námsráðgjafi við skólann. Allir nemendur eiga kost á því að leita til námsráðgjafa. Foreldrar geta einnig haft samband vegna mála er tengjast námi og líðan barna þeirra. Nemendur og foreldrar geta komið að eigin frumkvæði og milliliðalaust, pantað tíma eða komið boðum í gegnum starfsfólk skólans.

 Þessi síða var uppfærð í október 2026