Lestrarsprettur Hörðuvallaskóla

Úrslit í æsispennandi lestrarspretti Hörðuvallaskóla lauk í dag með yfirgnæfandi sigri nemenda sem kepptu á móti starfsfólki skólans. Þau lásu samtals í 3250 klukkutíma en starfsfólkið í 1260 klukkutíma. Börnin fá að launum heiðurinn af að vera mestu lestrarhestar skólans en auk þess eiga þau von á smávegis glaðningi á mánudaginn.

Lestrarspretturinn var settur þann 13. mars og átti að standa til 27. mars, en var framlengdur fram yfir páskafrí. Þátttakendur gátu fylgst með gengi síns liðs á Íslandskortinu á vegg skólasafnsins og þar má einnig sjá báta sem sýna höfunda margra þeirra bóka sem lesnar voru á tímabilinu.

Viðburðurinn heppnaðist virkilega vel og vakti mikinn áhuga og spennu hjá bæði nemendum og starfsfólki.