Fréttir

Fullrúar nemenda í 8. og 9. bekk Hörðuvallaskóla áttu fund með forsvarsmönnum Menntamálastofnunar í morgun til að kynna þeim vinnu sína við greiningu á hæfniviðmiðum í samfélagsfræði.

Borist hefur tilkynning frá menntamálaráðuneytinu um breytingu á dagsetningum samræmdra könnunarprófa í 9. bekk, sem haldin verða í mars 2019. Ráðuneytið hefur ákveðið að færa dagsetningar könnunarprófanna fram um einn dag. Ástæða breytinganna er sú að Íslandsmót iðn- og verkgreina skarast á við fyrirhugað könnunarpróf í ensku þann 14. mars. Í tilkynningunni er nefnt að bæði Íslandsmótið og samræmdu könnunarprófin séu afar mikilvæg fyrir skólasamfélagið og þau geti ekki farið fram sama dag. Þar segir að keppst sé við að fjölga nemendum í iðn- og verkgreinum og því mikilvægt að flestir nemendur efstu bekkja grunnskóla fái að kynnast iðn- og verkgreinum og námstækifærum á þeim sviðum. Sýningin og Íslandsmótið hafi vaxið og dafnað undanfarin ár og sé frábær leið fyrir nemendur til að kynna sér fjölbreytni iðn- og verknáms á skemmtilegan og lifandi hátt. Dagsetningar prófanna verða því eftirfarandi: 11. mars, mánudagur – íslenska 12. mars, þriðjudagur – stærðfræði 13. mars, miðvikudagur – enska

Nú höfum við birt fréttabréf / matseðil októbermánaðar. Í plagginu er auk fastra liða að finna upplýsingar úr starfsáætlun skólaársins um helstu verkefni okkar í vetur, minnispunkta til foreldra varðandi einelti, foreldraröltsdagskrá og Kúludagskrá mánaðarins o.fl. Smellið á fyrirsögnina til að nálgast ritið..

Nú er starfsáætlun Hörðuvallaskóla fyrir skólaárið 2018-2019 komin á heimasíðuna. Starfsáætlun er gerð árlega og er hún hluti af skólanámskrá skólans. Í árlegri starfsáætlun er m.a. gerð grein fyrir stjórnskipulagi skólans, skóladagatali, þ.m.t. lengd jólaleyfis, páskaleyfis og annarra vetrarleyfa, starfsáætlun nemenda, skólareglum, fyrirkomulagi kennslu, stoðþjónustu, félagslífi og öðru því sem varðar starfsemi skólans ár hvert. Þar eru einnig birtar upplýsingar um starfslið skólans, stjórnkerfi, mögulegan stuðning fyrir nemendur og almennar, hagnýtar upplýsingar um skólahald hvers skólaárs. Starfsáætlun er árlega lögð fyrir skólanefnd til staðfestingar sem staðfestir gildistöku þegar ljóst er að hún hafi verið unnin í samræmi við lög, reglugerðir, aðalnámskrá, kjarasamninga og ákvarðanir sveitarstjórnar um fyrirkomulag skólahalds. Starfsáætlun er birt á heimasíðu skólans og þar er einnig að finna aðra hluta skólanámskrár, þ.e. starfsmannahandbók og skipulag námssviða.

Októberdagskrá Kúlunnar er komin á netið.. smellið á fyrirsögnina

Dagskrá félagsmiðstöðvarinnar Kúlunnar er fjölbreytt í september að vanda.. smellið á fyrirsögnina..

Nú má nálgast fréttabréf / matseðil septembermánaðar hér á heimasíðunni. Í plagginu er m.a. að finna kynningu á skólareglum skólans og samræmdum viðmiðum fyrir skóla Kópavogsbæjar ef skólasókn nemenda er ófullnægjandi. Smellið á fyrirsögnina til að nálgast plaggið..

Nú hafa menntasvið og velferðarsvið Kópavogsbæjar gefið út sameiginleg og samræmd viðmið um viðbrögð við ófullnægjandi skólasókn hjá nemendum. Um er að ræða viðmið sem taka bæði til fjarveru vegna veikinda og leyfa í heilum dögum en einnig til óheimilla fjarvista úr kennslustundum. Viðmiðin gilda fyrir alla skóla bæjarins og við hvetjum foreldra eindregið til að kynna sér þau. Viðmiðin má nálgast hér...

Heimanámsaðstoð Bókasafns Kópavogs hefst að nýju í næstu viku, en aðstoðin er samstarfsverkefni Kópavogsdeildar Rauða krossins á Íslandi og bókasafnsins. Hún verður líkt og undanfarin ár tvisvar sinnum í viku: Á aðalsafni á þriðjudögum kl. 14:30-16:30 og á Lindasafni á miðvikudögum kl. 14:30-16:30 Nemendur mæta með heimalærdóm og grunnskólakennari verður á staðnum nemendum til aðstoðar. Nemendur þurfa ekki að skrá sig í heimanámsaðstoðina, hún kostar ekkert og það er engin mætingarskylda. Nánari upplýsingar veitir Ágústa Bárðardóttir, umsjónarmaður heimanámsaðstoðar og grunnskólakennari, agustab@kopavogur.is