Fréttir

Nú þegar skólaárið er að taka enda langar okkur að biðja nemendur og foreldra að huga að því sem endað hefur í óskilamunum. Seinasta tækifæri til þess mun vera á opnu húsi óskilamuna fimmtudaginn 10. júní milli 16 og 19 Eftir það verður óskilamunum pakkað saman og afhent góðgerðarsamtökum.

Skólaslit Hörðuvallaskóla eru sem hér segir Útskrift 10.árgangs verður kl 17:00 miðvikudag 9.6. í Vallakór. Skólaslit neðangreindra árgangu 10. júní Skólaslit 1.-3. árgangs í salnum í Baugakór kl 9:00 Skólaslit 4.-5.árgangs í salnum í Baugakór kl 10:00 Skólaslit 6.-7.árgangs í salnum í Baugakór kl 11:00 Skólaslit 8.-9.árgangs í salnum í Vallakór kl 12:00

Kópurinn. viðurkenning menntaráðs Kópavogs fyrir framúrskarandi grunnskóla- og frístundastarf í Kópavog var afhentur í gær við hátíðlega athöfn í Salnum. Hörðuvallaskóli hlaut Kópinn fyrir fjarnám í list- og verkgreinum á meðan skólastarf var undir verulegum takmörkunum. Ágúst Ólafsson, tónmenntarkennari og Karl Jóhann Jónsson, myndmenntakennari kynntu verkefnið og tóku við viðurkenningunni. Við erum óendanlega stolt og þakklát fyrir okkar frábæru kennara, störf þeirra og hugmyndaauðgi!

Lið Hörðuvallaskóla stóð sig með mikilli prýði í undankeppni Skólahreysti og hreppti 5. sætið. Liðið skipuðu Arnar Arason, Hrafnhildur Tinna Brynjólfsdóttir, Brynjar Már Guðmundsson, Thelma Ósk Björgvinsdóttir, Guðjón Dunbar D. Þorsteinsson og Sóley Jóhannesdóttir. Við erum ákaflega stolt af þessum flottu krökkum!

Mótið fór fram í Rimaskóla sunnudaginn 9. maí. 13 lið tóku þátt og var þeim skipt í tvo riðla. Tvær efstu sveitir í hvorum riðli tefldu til úrslita um titilinn. Lindaskóli og Rimaskóli komust áfram úr A-riðli en Melaskóli og Smáraskóli úr B-riðli. Rimaskóli vann svo úrslitakeppnina og Melaskóla varð í öðru sæti. Sveit frá Hörðuvallaskóla tók þátt í mótinu og lenti í 4.-5. sæti í B-riðli (7 sveitir) með 8 vinninga af 20 mögulegum eða 40% sem er eftir atvikum þokkalegur árangur. Sveitina skipuðu Daníel D. Tómasson 3.GS, Alexander S. Guðmundsson 3.EG, Fjölnir D. Þorsteinsson 3.EG, Karen Van de Putte 3.EG, Margrét Y. Bjarnadóttir 3.GS og Nicole Dís M. Guðmundsdóttir 3.GS. Krakkarnir höfðu gagn og gaman af taflmennskunni og þarna er greinilega vaxtarbroddur sem þarf að hlúa að.

Föstudaginn 9. apríl er blár dagur. Þann dag eru nemendur og tarfsmenn hvattir til að klæðast einhverju bláu. Blár dagur er til að stuðla að vitundarvakningu um málefni barna með einhverfu. Við erum öll allskonar og mikilvægt að taka umræðu um það við börnin. Með því að klæðast bláu á föstudaginn fögnum við fjölbreytileikanum með samstöðu allra. Hér má nálgast nánariupplýsingar um verkefnið

Athugið! Fræðslunni er frestað til miðvikudagsins 7. apríl klukkan 19:30 Í fjarfræðslunni verður fjallað um tilfinningavanda barna og unglinga og hvernig hægt er að æfa áhrifarík samskipti þegar börnin okkar lenda í slíkum vanda. Taktu virkan þátt í öruggri fjarlægð. Fjarfræðslan fer fram í gegnum Microsoft Teams Erlendur Egilsson er sálfræðingur í Hörðuvallakóla. Hann hefur starfað á Barna- & unglingageðdeild LSH (BUGL) og Barnaspítala Hringsins ásamt sjálfstæðum sálfræðistörfum. Hann hefur sinnt rannsóknum á þroska og hegðun barna og í doktorsnámi sínu rannsakað virkni snjallsímalausna við heilsueflingu barna og unglinga. Erlendur er fimm barna faðir.

Alþjóðlegur dagur Downs heilkennis er sunnudaginn 21. mars. Við í Hörðuvallaskóla ætlum að taka þátt í deginum og við hvetjum alla til að fagna fjölbreytileikanum með okkur og klæðast litríkum og ósamstæðum sokkum. Dagsetningin er táknræn að því leyti að hún vísar til þess að Downs heilkenni orsakast af auka litning í litningi 21, þ.e. 3 eintök af litning 21 - 21.03.