Fréttir

1. bekkur fékk hjálma

Kiwanis klúbburinn afhenti 1. bekk hjálma í síðustu viku. Mikil gleði var meðal barnanna. Við þökkum Kiwanis kærlega fyrir.
Lesa meira

Fréttabréf / matseðill maímánaðar

Fréttabréf / matseðill maímánaðar er komið á heimasíðuna. Smellið á fyrirsögnina til að nálgast ritið..
Lesa meira

Aðalfundur foreldrafélags Hörðuvallaskóla

Aðalfundur Foreldrafélags Hörðuvallaskóla verður haldinn fimmtudaginn 2. maí kl. 20:00 í sal skólans.
Lesa meira

Skóladagatal 2019-2020

Nú hefur skóladagatal næsta skólaárs verið staðfest og er komið til birtingar hér á heimasíðunni.. smellið á fyrirsögnina..
Lesa meira

Fréttabréf / matseðill aprílmánaðar

Fréttabréf / matseðill aprílmánaðar er komið á heimasíðuna. Smellið á fyrirsögnina til að nálgast ritið..
Lesa meira

Íslandsmeistarar í sjötta sinn!

Íslandsmeistarar í sjötta sinn! A-sveit Hörðuvallaskóla vann yfirburðasigur á Íslandsmóti grunnskólasveita í skák, sjötta skiptið í röð sem er Íslandsmet! Sveitin hlaut 26 vinninga af 28 mögulegum eða tæp 93%. A-sveit Rimaskóla hafnaði í öðru sæti með 18 ½ vinning og A-sveit Laugalækjarskóla varð þriðja með 17 vinninga. Sveit HV var þannig skipuð að venju: Vignir Vatnar Stefánsson, Stephan Briem, Arnar Milutin Heiðarsson, Sverrir Hákonarson og Óskar Hákonarson. Liðsstjórar voru Gunnar Finnsson og Óskar Hákonarson. Vignir, Stefán og Arnar fengu viðurkenningu fyrir besta árangur á fyrsta, öðru og þriðja borði en þeir unnu allar sínar skákir. Sverrir vann einnig allar skákir sínar en tefldi færri. B-sveit HV, sigurvegarar í Íslandsmóti barnaskólasveita, tók þátt í grunnskólamótinu og lenti í 8.-9. sæti með 14 vinninga. Sveitin var þannig skipuð: Benedikt Briem, Grétar Jóhann Jóhannsson, Guðrún Fanney Briem, Guðmundur Reynir Róbertsson, Hilmar Óli Viggósson og Alexander Rúnar Róbertsson. Liðsstjóri var Kjartan Briem. B-sveitin hlaut viðurkenningu fyrir besta frammistöðu B-liða í mótinu. Lið Hörðuvallaskóla sem sigruðu á Íslandsmóti barnaskóla – og grunnskólasveita unnu sér þar með rétt til að tefla fyrir Íslands hönd á Norðurlandamótinu í skólaskák sem fram fer í Svíþjóð í september. Þetta er líklega í fyrsta sinn sem tvær sveitir frá sama skóla hérlendis, tefla á Norðurlandaskákmóti. Til hamingju krakkar fyrir glæsilegan árangur! Skákkennari
Lesa meira

Páskaopnun/Easter opening Frístund

Páskaopnun Dægradvalar English below/Jezyk polski na dole
Lesa meira

Hörðuvallaskóli Íslandsmeistari í skák!

Íslandsmót barnaskólasveita í skák – 4.-7. bekkur – 2019 Hörðuvallaskóli Íslandsmeistari! Eins og fram hefur komið vann A-sveit HV Íslandsmótið sem haldið var um helgina í Rimaskóla. 37 lið frá 20 skólum tóku þátt í keppninni, þar af 5 frá Hörðuvallaskóla. Sigurliðið: Benedikt 7.M, Grétar Jóhann 7.R, Guðrún Fanney 3.b, Snorri Lund 6.L., Guðmundur Reynir 7.M og Hilmar Óli 6.HG. Liðið vann alla andstæðinga sína 7 að tölu og hlaut 14 stig og 23 vinninga. A-sveit Háteigsskóla varð í 2. sæti með 21 vinning og A-sveit Salaskóla þriðja með 18 vinninga. Grétar Jóhann fékk 6 ½ vinning af 7 og Guðrún Fanney vann alla andstæðinga sína! Þau hlutu bæði viðurkenningar fyrir besta árangur á öðru og þriðja borði. B-sveit HV: Alexander Rúnar 7.M, Breki Freyr 6.L, Davíð J. 7.Ú og Atlas 7.b. Liðið vann fimm viðureignir og tapaði tveimur; hlaut 10 stig og 16 vinninga í 12. sæti. Davíð og Atlas á þriðja og fjórða borði unnu fimm af sjö skákum sínum. C-sveitin: Elmar Franz 6.S, Dagur 7.Ú, Bjarki Steinn 6.b. og Ísak Freyr 6.HH. Liðið vann tvær viðureignir, gerði þrjú jafntefli og tapaði tveimur. Fékk 7 stig og 14 vinninga í 20. sæti. Ísak Freyr á fjórða borði vann sex af sjö skákum sínum. D-sveitin: Róbert 7.R, Anton 5.K, Atli 7.R og Jökull Bóas 4.E. Liðið vann fjórar viðureignir og tapaði þremur. Fékk 8 stig og 14 ½ vinning í 18. sæti og varð efst D-sveita í mótinu og hreppti verðlaunapeninga að launum. Jökull Bóas á fjórða borði vann fimm af sjö skákum sínum. E-sveitin: Ari 6.HH, Benjamín 7.R, Pálmar 7.R og Daníel Máni 5.K. Liðið vann tvær viðureignir, gerði tvö jafntefli og tapaði þremur. Fékk 6 stig og 12 vinninga í 28. sæti. Sveitin var verðlaunuð fyrir besta árangur E-sveita (var reyndar eina E-sveitin). Daníel Helgi á fjórða borði vann fjórar af sex skákum sínum. Mótið fór hið besta fram og var öllum keppendum HV til sóma. Liðsstjórar voru auk skákkennara, Kjartan Briem faðir Benedikts og Guðrúnar Fanneyjar og Sigríður Lára Guðmundsdóttir móðir Snorra Lund. Þau stóðu sig af stakri prýði eins og vænta mátti og studdu vel við bakið á liðsmönnum sínum. Skákkennari
Lesa meira

Sóley sigurveigari!

Hörðuvallaskóli bar sigur úr býtum í Stóru upplestrarkeppninni sem haldin var í Salnum þann 7. mars. Sóley Jóhannesdóttir í 7. R kom, sá og sigraði, með glæsibrag. Innilega til hamingju, Sóley.
Lesa meira

Kópurinn - auglýst eftir tilnefningum

Menntaráð auglýsir eftir tilnefningum til viðurkenninga fyrir framúrskarandi grunnskóla- og frístundastarf í Kópavogi. Viðurkenningar eru veittar fyrir verkefni sem stuðla að nýbreytni og framþróun. Auk þess er æskilegt að verkefnið sýni að það hafi verið unnið að frumkvæði, fagmennsku og ábyrgð, að það hafi leitt til umbóta og/eða framfara, að það feli í sér hvatningu til eftirbreytni innan viðkomandi stofnunar og utan.
Lesa meira