Fréttir

Skólastarf í Hörðuvallaskóla hefst fimmtudaginn 23. ágúst með viðtölum umsjónarkennara við nemendur og forráðamenn. Skráning í skólaboðunarviðtölin fer fram á mentor.is og hægt verður að skrá í viðtöl frá hádegi föstudaginn 17. ágúst. Sendur hefur verið út póstur til forráðamanna með upplýsingum um skráningu í viðtölin o.fl. en upplýsingarnar er einnig að finna í fréttabréfinu sem birt er hér á heimasíðunni..

Skólastarf í Hörðuvallaskóla haustið 2018 hefst með skólaboðunarviðtölum fimmtudaginn 23. ágúst. Foreldrar innritaðra nemenda munu fá tölvupóst frá skólanum fimmtudaginn 16. ágúst þar sem upplýsingar verða gefnar um skráningu í viðtöl og annað varðandi skólabyrjunina. Kennsla skv. stundaskrá hefst föstudaginn 24. ágúst nema í 1. bekk þar sem hluti nemenda mætir í viðtal þann dag. Frístund er lokuð á skólaboðunardag en er opin frá og með 24. ágúst og er opin allan þann dag fyrir nemendur í 1. bekk. Athygli er vakin á að frá og með þessu hausti útvegar skólinn öll námsgögn fyrir nemendur, þ.e. ritföng, stílabækur og þess háttar. Ekki er því þörf á öðrum innkaupum en hvað varðar íþrótta- og sundfatnað, skólatöskur og þess háttar.

Skrifstofa skólans opnar eftir sumarleyfi þann 7. ágúst nk. Hægt er að hafa samband við skólastjóra með pósti á agustj@kopavogur.is ef þörf krefur.

Skólaslit verða fimmtudaginn 7. júní en útskrift 10. bekkjar fer fram miðvikudaginn 6. júní kl. 16:00 Tímasetningar skólaslita þann 7. júní eru sem hér segir:  Kl. 8:10 - 1. bekkur  Kl. 09:00 - 2. bekkur  Kl. 10:00 - 3. bekkur  Kl. 10:30 – 8.-9. bekkur (Ath. 8.-9.b mæti í Vallakór)  Kl. 11:00 - 4. bekkur  Kl. 12:00 - 5. bekkur  Kl. 13:00 – 6.-7. bekkur

Foreldrafélag Hörðuvallaskóla, í samstarfi við skólann, stendur fyrir vorhátíð miðvikudaginn 23.maí kl. 17:00. Hátíðin hefst á slaginu 17:00 með tónum frá skólahljómsveit Kópavogs. Í boði verða hoppukastalar (fleiri og stærri en áður), skólahreysti og veltibíll, fótbolti milli 10. bekkjar og kennara, grillaðar pylsur og djús, kökubasar til styrktar 10.bekkjarferðar (ekki tekið við kortum). Lokað verður inn á bílastæði starfsmanna við skólann, þar verður skólahreystibrautin. Hlökkum til að sjá sem flesta í sólskinsskapi Við lögðum allavega inn pöntun fyrir góðu veðri en annars er það bara regngallinn J Að lokum hvetjum við alla til að koma gangandi, því takmarkað er af bílastæðum

Þriðjudaginn 15. maí kl. 20:00 verður fræðslufyrirlestur fyrir foreldra og starfsfólk um netfíkn í salnum í Baugakór. Það er Eyjólfur Örn Jónsson sálfræðingur sem sér um fyrirlesturinn en hann hefur farið með sambærileg erindi í marga skóla upp á síðkastið. Um er að ræða fyrirlestur um hættur netsins með sérstaka áherslu á svokallaða "netfíkn" en rannsóknir benda til að sirka 12% reglulegra netnotenda eigi á hættu að ánetjast notkun sinni. Börn og unglingar eru sérstaklega útsett fyrir þessum vanda og því mikilvægt að foreldrar skilji vandann og viti hvað best sé að gera í málinu. Nokkuð ljóst er að netið sé komið til að vera og því þýðir lítið að loka augunum fyrir því að þar geta leynst hættur eins og annarsstaðar. Við sendum börnin okkar ekki út í umferðina án þess að hafa kennt þeim umferðarreglurnar en við opnum oft heim netsins fyrir þeim án þess að skilja hann almennilega sjálf. Með réttri vitneskju og nálgun eiga allir að geta notið netsins og alls sem að það hefur upp á að bjóða án vandkvæða. Allir foreldrar eru boðnir velkomnir á fyrirlesturinn.

Við minnum á að dagana 18.-22. apríl er frí hjá nemendum en 18. og 20. apríl eru starfsdagar og fimmtudagurinn 21. apríl er sumardagurinn fyrsti. Dægradvöl er opin miðvikudaginn 18. apríl en lokuð föstudaginn 21. apríl. Við vekjum jafnframt athygli á dagskrá sumardagsins fyrsta í Kópavogi og barnamenningarhátíðar en þær upplýsingar má nálgast á slóðinni: https://www.kopavogur.is/static/files/Menningarhusin/Dagsskra_2018/barnamenning_2018/083kop_barmanenningarha-ti-d_13-vefutgafa.pdf

Menntamálastofnun hefur gefið út veggspjald sem tíundar einkenni góðs lesara. Efni veggspjaldsins tengist framtíðaráherslum í útgefnu efni á vegum Menntamálastofnunar og læsisverkefnisins sem sett var á laggirnar í kjölfar Þjóðarsáttmála um læsi. Lesskilningstækni og lesskilningsaðferðir eru nauðsynleg viðfangsefni og mikilvægur þáttur í formlegri læsiskennslu svo læsi nemenda vaxi og dafni í takti við þroska, áhuga og kröfur sem nám gerir til þeirra. Á veggspjaldinu er lögð áhersla á að útskýra þá hæfni sem einkennir góðan lesara og sjálfsagt er að gera þessa hæfni að umræðuefni með nemendum svo þeir geti betur glöggvað sig á færninni sem gerir þá að góðum lesurum.