Fréttir

Íslandsmót barnaskólasveita í skák – 4.-7. bekkur – 2019 Hörðuvallaskóli Íslandsmeistari! Eins og fram hefur komið vann A-sveit HV Íslandsmótið sem haldið var um helgina í Rimaskóla. 37 lið frá 20 skólum tóku þátt í keppninni, þar af 5 frá Hörðuvallaskóla. Sigurliðið: Benedikt 7.M, Grétar Jóhann 7.R, Guðrún Fanney 3.b, Snorri Lund 6.L., Guðmundur Reynir 7.M og Hilmar Óli 6.HG. Liðið vann alla andstæðinga sína 7 að tölu og hlaut 14 stig og 23 vinninga. A-sveit Háteigsskóla varð í 2. sæti með 21 vinning og A-sveit Salaskóla þriðja með 18 vinninga. Grétar Jóhann fékk 6 ½ vinning af 7 og Guðrún Fanney vann alla andstæðinga sína! Þau hlutu bæði viðurkenningar fyrir besta árangur á öðru og þriðja borði. B-sveit HV: Alexander Rúnar 7.M, Breki Freyr 6.L, Davíð J. 7.Ú og Atlas 7.b. Liðið vann fimm viðureignir og tapaði tveimur; hlaut 10 stig og 16 vinninga í 12. sæti. Davíð og Atlas á þriðja og fjórða borði unnu fimm af sjö skákum sínum. C-sveitin: Elmar Franz 6.S, Dagur 7.Ú, Bjarki Steinn 6.b. og Ísak Freyr 6.HH. Liðið vann tvær viðureignir, gerði þrjú jafntefli og tapaði tveimur. Fékk 7 stig og 14 vinninga í 20. sæti. Ísak Freyr á fjórða borði vann sex af sjö skákum sínum. D-sveitin: Róbert 7.R, Anton 5.K, Atli 7.R og Jökull Bóas 4.E. Liðið vann fjórar viðureignir og tapaði þremur. Fékk 8 stig og 14 ½ vinning í 18. sæti og varð efst D-sveita í mótinu og hreppti verðlaunapeninga að launum. Jökull Bóas á fjórða borði vann fimm af sjö skákum sínum. E-sveitin: Ari 6.HH, Benjamín 7.R, Pálmar 7.R og Daníel Máni 5.K. Liðið vann tvær viðureignir, gerði tvö jafntefli og tapaði þremur. Fékk 6 stig og 12 vinninga í 28. sæti. Sveitin var verðlaunuð fyrir besta árangur E-sveita (var reyndar eina E-sveitin). Daníel Helgi á fjórða borði vann fjórar af sex skákum sínum. Mótið fór hið besta fram og var öllum keppendum HV til sóma. Liðsstjórar voru auk skákkennara, Kjartan Briem faðir Benedikts og Guðrúnar Fanneyjar og Sigríður Lára Guðmundsdóttir móðir Snorra Lund. Þau stóðu sig af stakri prýði eins og vænta mátti og studdu vel við bakið á liðsmönnum sínum. Skákkennari

Hörðuvallaskóli bar sigur úr býtum í Stóru upplestrarkeppninni sem haldin var í Salnum þann 7. mars. Sóley Jóhannesdóttir í 7. R kom, sá og sigraði, með glæsibrag. Innilega til hamingju, Sóley.

Menntaráð auglýsir eftir tilnefningum til viðurkenninga fyrir framúrskarandi grunnskóla- og frístundastarf í Kópavogi. Viðurkenningar eru veittar fyrir verkefni sem stuðla að nýbreytni og framþróun. Auk þess er æskilegt að verkefnið sýni að það hafi verið unnið að frumkvæði, fagmennsku og ábyrgð, að það hafi leitt til umbóta og/eða framfara, að það feli í sér hvatningu til eftirbreytni innan viðkomandi stofnunar og utan.

Ólafur Ari (9. A) varð um helgina Íslandsmeistari í snooker U21. Við óskum honum innilega til hamingju með þennan frábæra árangur.

Fulltrúar Hörðuvallaskóla í Stóru upplestrarkeppninni verða þær Sóley Jóhannsdóttir 7. R og Ásta Margrét Haraldsdóttir 7. R. Til vara verða Eydís Eik Sigurðardóttir 7. G og Salka Finnsdóttir 7. M. Allir nemendur í árganginum tóku þátt í undankeppninni. Stóra upplestrarkeppnin verður haldin í Salnum þann 7. mars nk. klukkan 16:30. Við óskum stelpunum góðs gengis!

Í Félagi fagkvenna eru konur með sveinspróf, eru á námssamningi eða í námi í iðngreinum. Tilgangur félagsins er að hvetja konur til að sækja nám og störf í iðnaði og þá sér í lagi í karllægum iðngreinum. Þær komu til okkar í skólann í gær og héldu kynningu fyrir krakkana í 3. bekk.

Vinabangsinn Blær heimsótti nemendur í 1. og 2. bekk í dag. Með þeim á sal voru nemendur af leikskólunum Austurkór, Kór og Baugi. Blær fór yfir jákvæð samskipti og sungin voru nokkur lög sem allir nemendur voru búnir að æfa. Takk fyrir innlitið, Blær.