Fréttir

Útivistarreglur frá 1. september

Við minnum á að á skólatíma 1. september til 1. maí mega 12 ára börn og yngri lengst vera úti til kl 20 og 13-16 ára börn lengst vera úti til kl 22.
Lesa meira

Leikföng óskast

Yngri bekkir Hörðuvallaskóla óska eftir leikföngum sem kunna að falla til við tiltekt heima eða liggja hugsanlega ónotuð og yrðu kannski betur nýtt í skólanum :) Ef þið eigið eitthvað aflögu sem þið haldið að myndi nýtast yngri börnunum okkar skilið því þá endilega til Elsu, ritara í Baugakór.
Lesa meira

Skólabyrjun haustið 2020

Kennarar og starfsfólk Hörðuvallaskóla óska nemendum og aðstandendum þeirra gleðilegrar skólabyrjunar. Í ljósi aðstæðna í samfélaginu er skólabyrjun með öðrum hætti en verið hefur undanfarin ár. Engin foreldraviðtöl verða þetta árið, nema hjá nemendum í 1. bekk og nýjum nemendum við skólanum. Foreldraviðtöl hjá börnum í 1. bekk eru þriðjudaginn 25. ágúst og miðvikudaginn 26. ágúst. Foreldraviðtöl hjá nýjum nemendum eru þriðjudaginn 26. ágúst. Foreldraviðtöl eru bókuð á Mentor. Nemendur í 1. bekk eiga að mæta samkvæmt stundaskrá kl. 08.30 fimmtudaginn 27. ágúst Nemendur í 2. bekk eiga að mæta samkvæmt stundakrá kl. 08.30 miðvikudaginn 26. ágúst Nemendur í 3. - 7. bekk eiga að mæta samkvæmt stundaskrá kl. 08.10 miðvikudaginn 26. ágúst Nemendur í 8 - 10. bekk eiga að mæta samkvæmt stundaskrá kl. 08.30 miðvikudaginn 26. ágúst
Lesa meira

Sumarfrístund

Sumarfrístund er nú að klára fyrstu vikunni af tveimur og hafa börnin notið þess að kynnast Hörðuheimum. Hér kemur inn matseðill fyrir sumarfrístundina. Þá setjum við einnig inn kynningarbækling fyrir Hörðuheima.
Lesa meira

Nemendur úr Hörðuvallaskóla styrkja Barnaspítala Hringsins

Valur Rúnarsson Bridde og Björn Helgi Devine fóru fyrir hönd hóps úr 7 bekk og færðu Barnaspítala Hringsins ágóða vöfflusölu sem þeir voru með á haustdögum. Ásamt Vali og Birni tóku þeir Ísak Freyr, Kristófer Leó og Óliver Darri þátt í framtakinu. Færðu þeir Barnaspítalanum 53.741 kr. Verkefnið gekk út á að gera góðverk eða láta eitthvað gott af sér leiða . Drengirnir gerðu áætlun um hvað þeir vildu gera og ákváðu að útbúa sölubás þar sem þeir myndu selja vöfflur með rjóma, gos og kaffi. Þeir hringdu, sendu fyrirtækjum póst um verkefnið og hvort að fyrirtækin væru til í að aðstoða þá við að láta hugmynd þeirra verða að veruleika, sem varð raunin. Þeir smíðuðu sölubás, gerðu auglýsingar og skipulögðu alla framkvæmd. Stóðu svo vaktina, bökuðu vöfflur, þeyttu rjóma og löguðu kaffi. Sannarlega frábær vinna hjá þessum fyrirmyndar strákum
Lesa meira

Skólastarf með hefðbundnu sniði

Nú hefur verið samið í kjaradeilu Eflingar og Sambands íslenskra sveitarfélaga. Skólastarf nemenda fer því af stað á morgun með hefðbundnu sniði. Morgundvöl, engin skerðing á fylgdum í íþróttir og sund, nemendaeldhúsið tekur til starfa og allir nemendur eru fullan skóladag samkvæmt stundaskrá.
Lesa meira

Skert skólastarf 1-4 bekkjar í verkfalli Eflingar

Við minnum á að út þessa viku eru 1. og 3. bekkur að mæta seinna í skólann eins og póstur frá skólastjóri skýrði frá í seinustu viku. Bréfið sem sent var má finna hér Þessi viku mætir 1. bekkur 10:40 og 3. bekkur 9:50 Ef ekki verður búið að semja fyrir næstu viku þá mætir 2. bekkur 10:40 og 4 bekkur 9:50 alla þá viku en 1. og 3. bekkur á venjulegum tíma
Lesa meira

Seinasti sálfræðimolinn

Vinsamlegast finnið seinasta sálfræðimola frá Erlendi sálfræðingi hér
Lesa meira

Umhverfis- og loftslagsverkefni unnið af 8 bekk

Endilega kynnið ykkur samantektarskýrslu á Plánetu A-verkefninu sem 8. bekkingarnir tóku þátt í á síðustu önn og yfirlit yfir öll verkefnin sem nemendur Hörðuvallaskóla unnu því tengdu. Pláneta A-verkefnið er umhhverfis- og loftslagsverkefni unnið af 8. bekkingum í Kópavogi í tilefni af Alþjóðlegum degi barna og 30 ára afmæli Barnasáttmála Sameinuðu Þjóðanna þann 20. Nóvember 2019.
Lesa meira

Sálfræðimoli vikunnar

Mótlætaþol og aukin ábyrgð Nú erum við gengin ansi langt inn í samkomubann. Á sumum heimilum er komin þreyta í okkur og börnin okkar. Það sem gerist vanalega í þreytu er að við töpum einbeitingu. Sumir verða styttri í spuna, samskipti mögulega snúnari og reglur verða óskýrari. Hegðunarvandi barna og unglinga getur líka verið farinn að magnast, sér í lagi á þeim heimilum þar sem hann var talsverður fyrir. Moli vikunnar snýr því að mótlætaþoli og hvernig við getum nýtt aukna ábyrgð til að fást við lágt mótlætaþol. Mótlætaþol er færnin okkar til að svara upplifuðu mótlæti með raunsærri túlkun á aðstæðum, passlegum tilfinningastyrk og áhrifaríkri hegðun. Það þýðir að við sjáum skýrt það sem er að, höldum nokkurn veginn hausnum köldum og gerum eitthvað sem virkar til að fást við það sem er að. Þetta þol er sum staðar orðið lítið og vanlíðan hefur þá vaxið í takt. Með því að auka ábyrgð barnanna á hversdagslegu lífi fjölskyldunnar getum við aukið mótlætaþol. Því ef þú hefur skýrt hlutverk og nokkuð skýran tilgang þá er oftast mun auðveldara að fara í gegnum erfiðleika. Ég hvet ykkur því til að finna eitthvað eitt hlutverk á heimilinu sem barnið ykkar getur sannarlega borið ábyrgð á næstu viku. Það getur verið passa að öll fjölskyldan borði 3 ávexti yfir daginn og skeri þá niður eða að passa hvaða spil er spilað eftir kvöldmat og hafa allt saman til. Finnið einföld atriði sem þau bera ábyrgð, alla daga vikunnar og snýr ekki eingöngu að þeim heldur fjölskyldunni í heild. Þetta eiga ekki að vera heimilisverk heldur eitthvað sem hefur jákvæð áhrif á líðan fjölskyldunnar (ekki það að ryksygun eða frágangur þvotts lifti ekki andanum). Ég hvet ykkur líka til að hjálpa þeim að túlka þessa auknu ábyrgð á raunsæjan en jákvæðan hátt með viðeigandi tilfinningastyrk og áhrifaríkri hegðun. Kannski verður þó svarið sum staðar „ertu að grínast, á ég að gera allt?! Ef það gerist erum við kominn með góðan umræðugrundvöll um mótlætaþol og sameiginlega ábyrgð. Gangi ykkur vel og góða helgi. Erlendur sálfræðingur
Lesa meira